៥​ ​ឆ្នាំ​ទៀត​ ​តម្លៃ​ ​Drone​ ​កាន់​តែ​ធូរ​ ​ហើយ​​បច្ចេកវិទ្យា​ទំនើប​ខ្លាំង

Drone​ ​មាន​ការ​ប្រើប្រាស់​ច្រើន​ពី​មួយ​ឆ្នាំ​ ​ទៅ​មួយ​ឆ្នាំ​ ​ដោយសារ​សមត្ថភាព​ហោះហើរ​ផ្ដិត​យក​ទិដ្ឋភាព​ពី​លើ​អាកាស​។ ម្យ៉ាងទៀត​ មាន​ក្រុមហ៊ុន​ជាច្រើន​ បាន​ចាប់ផ្ដើម​វិនិយោគ​លើ​បច្ចេកវិទ្យា​ Drone​ ​ខណៈ​កំណើន​ ​Software​ ​និង​ ​Hardware​ ​កើន​ឡើង​ជា​បន្តបន្ទាប់​។ ក្នុង​របាយការណ៍​ពី​ ​BI Intelligence​ ​ផ្ដល់​នូវ​ការ​ព្យាករណ៍​សម្រាប់​ឧកាស​ជំនួញ​ក្នុង​ពាណិជ្ជកម្ម​បច្ចេកវិទ្យា​ ​Drone។ អ្នក​អាច​ពិនិត្យ​មើល​ចំណុច​សង្ខេប​សំខាន់​ខាងក្រោម​ សម្រាប់​កំណើន​ ​Drone​ ​នា​ពេល​អនាគត​៖

ចំណុច​សំខាន់​ៗ​ពី​របាយការណ៍

• គម្រោង​បង្កើន​ចំណូល​ក្នុង​ការ​លក់​ ​Drone​ ​ដល់​ទៅ​ ​១២ ពាន់​លាន​ដុល្លារ​ក្នុង​ឆ្នាំ​ ​២០២១
  
• ការ​ដឹក​ជញ្ជូន​ ​Drone​ ​ដល់​អ្នក​ប្រើប្រាស់​នឹង​កើន​ឡើង​ច្រើន​នៅ​ ​៥ ឆ្នាំ​បន្ទាប់​ ​ជាមួយ​នឹង​តម្លៃ​ប្រកួត​ប្រជែង​ ​និង​បច្ចេកវិទ្យា​ថ្មី​ ​ដែល​ធ្វើ​ឲ្យ​ការ​ហោះហើរ​កាន់​តែ​ងាយស្រួល​សម្រាប់​អ្នក​ប្រើ​ដំបូង​។
  
• កំណើន​សហគ្រាស​មាន​ការ​កើន​ឡើង​ ​ដល់​កត្តា​អតិថិជន​ទាំង​ការ​ដឹកជញ្ជូន​ និង​ចំណូល​ ដោយសារ​សក្ដានុពល​ទីផ្សារ​អាមេរិក​ និង​អឺរ៉ុប​ដ៏​ធំ​ទាំង​ពីរ​សម្រាប់​សហគ្រាស​ Drone។
  
• បច្ចេកវិទ្យា​ដូចជា​ Geo-fencing (ប្រើ​ប្រព័ន្ធ​ GPS ក្នុង​ការ​តាមដាន​ដំណើរ​ហោះហើរ​) និង​ Collision avoidance (ប្រព័ន្ធ​ជៀសវាង​ការ​ប៉ះ​ទង្គិច​) នឹង​ធ្វើ​ឲ្យ​ការ​ហោះហើរ​របស់​ Drone មាន​សុវត្ថិភាព​ ព្រមទាំង​មាន​ទំនុក​ចិត្ត​ពី​អ្នក​ប្រើប្រាស់​ ​ពេល​បង្ហោះ​ Drone ឡើង​លើ​ មេឃ​។
  
• បទបញ្ញត្តិ​ FAA បាន​កំណត់​ព្រំដែន​ដល់​ពាណិជ្ជកម្ម​របស់​ Drone ក្នុង​ការ​ជ្រើសរើស​ឧស្សាហកម្ម​ និង​កម្មវិធី​មួយ​ចំនួន​ដូចជា​ ការ​ស្ទង់​មើល​ពី​លើ​អាកាស​ក្នុង​វិស័យ​កសិកម្ម​ ការ​ជីក​រ៉ែ​ ប្រេង​ និង​ឧស្ម័ន​។
  
• វិស័យ​យោធា​នឹង​បន្ត​នាំ​មុខ​នូវ​រាល់​វិស័យ​ដទៃ​ទៀត​ទាំងអស់​ក្នុង​ការ​ចំណាយ​លើ​ Drone កំឡុង​រយៈពេល​ការ​ព្យាករណ៍​ផ្សេង​ៗ៕